فاهمني؟؟؟

بقلم الكاتبة إيمان نجار

بتعرف شو معنى فاهمني؟
‏يعني وقت إسألك وينك تعرف أن بكون بحاجه إلك
‏ماعم اتطفل عليك ولا قصدي أزعجك
‏ولا حتى حقق معك،،،
‏يعني وجودك سبب راحتي ،،
‏لأني بشوفك بعيوني السند،،،
‏وقت اختارك من بين الكل ومن كلمة وينك تتأفف تتركني وتفل ،،،وتقول أنتي نكديه وبضلِّك تشكي فيي
‏ معناها ماعم تفهمني،،،ماعم تفهم معنى احتياجي إلك وشوقي،،،،
‏بتعرف شو معنى فاهمني؟
‏يعني تكون حاسس بكل حواسي ،،،
‏تقرا كل يلي جواتي ،،،،
‏مذكرني ولو كل الدني ناسي،،،
‏بين لحظة ولحظة تفقدني ،،،،
‏تقول أنك اشتقت لي ،،،
‏ماتغيب طول اليوم  وتتركني،،
‏تكون إلي خيي وبيي تكون الحبيب الصديق ،،
‏تكون معي بكل الصفات ،،،
‏يعني إني كل أهتمامك كل شي مهم بحياتك،،،
‏تحسسني أنك مابتحب البعد عني،،،
‏أني أقرب إلك من خيالك ،،،
‏لأن الأهتمام أساسي ،،،
‏واجب بعلاقتنا منه مستحب،،،،
‏مابتقدر البنت تطلبه من الشاب،،،
‏بتعرف شو يعني فاهمني؟
‏يعني تعرف من سكوتي أني مامنيحه،،،
‏تميز بين الفرح والزعل بعيوني ،،،،
‏ماتخليني عاتبك بكل مرة ،،،،
‏تعيش معي الحلوة والمرة،،،،
‏يعني ماتجبرني ألجأ لحدا تاني،،،
‏تكون ليّن ماتكون أناني،،،،
‏تحتويني بكل معنى الكلمة ،،،،
‏تكون معي حنون تكون جناحي،،،
‏توقف معي بضعفي قبل قوتي،،،،
‏تكون حدي بالوجع قبل الفرح،،،
‏تكون شريك يومي بكل تفاصيله،،،
‏يعني بالمختصر تعيش معي حياتي ،،،
‏هيك بتكون فاهمني ،،وبكون ربي فيك عوضني