العيد.. وغلا المعمول

بعد ماشفت هالغلا تبع المعمول بالسوق قلت لحالي ياولد ليش مانساوي معمول على إيدنا أنضف وأرخص !؟

اخدت درب طريقي ونزلت عالبزورية ودلوني على محل قال عنده شي ظريف … فتت على هالمحل واستقبلني صاحبه أحلى استقبال والجوز والفستق حولي وحواليي ماشالله كذا نوع

وقعت عيني على نوع ظريف كتير أخضر متل الزمرد .. سألت صاحب المحل : بأديش الكيلو ؟
قللي بكل حنية : ٣٥٠٠٠٠ بس في عندي إيراني نخب أول /
٣٠٠٠٠٠ ظريف واخدت منه للبيت
اجتني الجمدة والدهشة وفوراً انتقلت للسؤال عن الجوز فقللي : عندي بلدي الكيلو ١٢٠٠٠٠ وعندي أجنبي ١٠٠٠٠٠
وبلش يشرح كل نص كيلو بده كيلو طحين مخلوط وبده نص كيلو سمنة البقرة الحلوب والكيلو تبعها ١٢٠٠٠٠

اتطلعت فيه وقلتله : والله مالي عامل حسابي هيك بنوب !!
سألني : شو عامل حسابك ؟
قلتله : جايب معي ١٠٠٠٠٠ ليرة قلت لحالي خلي الولاد يتشبرقوا على هالعيد وياكلوا حلو ليشبعوا

زورني زورة بتقص المسمار وقلي :
تعا هالنااح… رحت هالنااح ..
وفات لجوا ورجع ومعه علبتين راحة وعلبة بسكوت وكيس سكاكر توفي وكيس قباقيب سكر ومشكاك سكر نبات وقللي خود هدول ع قد المصريات تبعك بتضل عم تتحلى لبعد العيد

فكرت لاقيت الحق معه !! يعني بعد كل يللي عم ينعمل فينا بدنا نعمل معمول!!!!!
????????
ربنا يفرج عن البلد وأهل البلد بجاه الحبيب المصطفى