فتة الباذنجان الشهية لازم تجربوها

الطريقة :-

بنقلي حبتين باذنجان كبار مقطعين مكعبات

بمقلى بنحط معلقتين زيت نباتي مع بصلة صغيرة مفرومة ناعم وبس تذبل بنضيف سن توم مهروس مع نص حبة فليفلة خضراء مفرومة ناعم واخر شي بنزل حبتين بندورة مفرومين ناعم .

بنضيف البهارات م.ص ملح و نص م.ص فلفل اسود

معلقة كبيرة معجون بندورة ومعلقة صغيرة دبس رمان .

اخر خطوة بنضيف الباذنجان يلي قليناه من قبل

صوص الفتة :-
كوب ونص لبن
ربع كوب طحينية
عصير نص ليمونة
سن ثوم كبير مهروس
ملح وفلفل اسود

التطبيق :-

ببايركس بنحط طبقة خبز مقلي ( ممكن اضافة عليه الدقة وهي فلفل حار توم و ليمون )
طبقة خليط الباذنجان
واخر طبقة الصوص

ممكن تزينو بالشكل الي بتحبوه بنصحكم تضيفو الرمان بالتزيين .

صحة وهنا