بواب الأحباب

الكاتبة الإعلامية زيزي ضاهر

شو بتشبهك أحلامي
والثلج بحضن البرد غافي
والمطر ناطر يغط ع غفلة
تيبوس عا خدك الوردات ويهدي
وحدي أنا ومراية الأيام
ضجران شارد مع الأحلام
بلكي بتذوب حبات البرد
وبتلحق الشمس
تفرش نورها بكير
ت ابعتلك مرسال الهوى
قبل ما طيور الحب تنوي عالسفر
لا بلاد الأرز والريحان صدفة
مطرح ما الشمس مخباية جوات الغيم
ت تقلك شو مشتاق ليكي
وشو بخاف شي يوم الشمس
تغفى ..
وتنسى وعودي الك
وتسكر وراها
بواب الأحباب