🌸 رولات الباذنجان باللحم وصوص الطماطم

المقادير:
2 حبة باذنجان كبيرة (مقطعة شرائح طولية رفيعة)
300 جم لحم مفروم
1 بصلة صغيرة مفرومة ناعم
2 ملعقة كبيرة بقدونس مفروم
2 ملعقة كبيرة زيت زيتون
2 ملعقة كبيرة صلصة طماطم
2 حبة طماطم مبشورة أو مضروبة في الخلاط
1 فص ثوم مفروم
نصف ملعقة صغيرة قرفة مطحونة (اختياري)
ملح وفلفل أسود حسب الرغبة
رشة بهارات مشكلة أو بابريكا

الطريقة:

1. تحضير الباذنجان
اقطعي الباذنجان شرائح طولية متوسطة السمك.
رشي شوية ملح عليهم وسيبيهم 10 دقايق عشان ينزلوا الموية المرة.
جففيهم وادهنيهم بزيت زيتون، ثم شوّيهم في الفرن أو على طاسة جريل لحد ما يطروا شوية.

2. تحضير الحشوة
سخني ملعقة زيت وحمّري البصل لحد ما يدبل.
ضيفي اللحم المفروم وقلبيه لحد ما يتغير لونه.
تبّليه بالملح والفلفل والبهارات والقرفة.
في الآخر ضيفي البقدونس واخلطي.

3. تحضير الصوص
في طاسة، سخني ملعقة زيت وشوّحي الثوم.
ضيفي الطماطم المبشورة + صلصة الطماطم + رشة ملح وفلفل.
سيبيه يغلي على نار هادية لحد ما يتقل شوية.

4. التجميع
خدي شريحة باذنجان، حطي معلقة من اللحم المفروم ولفيها رول.
رصي الرولات في صينية بايركس.
صبي عليهم صوص الطماطم.

5. الخبز
دخلي الصينية فرن متوسط (180°) حوالي 20 دقيقة لحد ما تتشرب الطعم.

6. التقديم
قدميها سخنة مزينة ببقدونس مفروم، جنبها رز أبيض أو عيش طري. 😍