بردان يا إمي؟ مش لابس؟ ما في صوبيا تدفوا؟

ب ليلة من ليالي كانون، مجتمعين كلنا بالبيت إلا حسن، دقينا لنحكي ونطمن عنه.. فاتحين السبيكر ومن حديث لحديث وبين الضحك والمزح، بقلنا شو عاملين ؟ والله يا خيي الدنيا تلج قاعدين حدّ الدفاية وإنت ؟
فقع ضحكة وقال أيامكن طيبة.. بترد امي: بردان يا إمي ؟ مش لابس ؟ ما في صوبيا تدفوا؟

سكت ثواني وقال كيف لكن الصوبيا مهبرجة مع ضحكة..
إمي ما كانت تحل عنه إلا ليبعت صورة، بيبعتلنا الصورة وقال انو يعني هو مبسوط ودفيان..

المهم بس اجا قلها سامحيني كذبت عليك بس كرمال ما ينشغل بالك، الصوبيا منظر لان ما كان حدا قادر يوصلنا المازوت، وتلّج قلبي وقت شلحت الجاكيت لاتصور حدها وتصدقيني.. !

– *الشهيد حسن حسين حميد*
نقلًا عن أخته💔