✍️بقلم الشاعرة سينتيا سماحة
✍️ اكتبت إسمك
بكلّ خطّ من
خطوط الشّمس…
لشعّت حرارتها
بِرَسم وجّك
ع موج البحرْ…
وتِغزُل لونها الذّهبي
ع شفافك المبتسمي!!!
صوبَك وجّي
مَال…
وعيوني
ع غروب الشمس
شدّتني صوبك…
صوتك … صوبي
من عمق غميق
صرخ إسمي؛
مع حجارا المتدحرجة…
وجعاني من ضربتو…
اتمنيت شوفك
جايي صوبي
تغمرني برغوة
بيضا
اتغطيني فيا…
بريحتك المشتاقة!..
وتغرّقني معك
ع عالم الآمان
وحبّك
يرسمني حوريتك
بكل الألوان…
وإسبح صوب
قلبك التعبان
وغذيه من
طعم الهوى لنطرك
كل هالأعوام !!! ✍️