والبحر كويّس ٠٠ يا ريّس !!..

بقلم المهندس عدنان خليفة ٠٠٠٠

ولا قلق ٠٠ فمن لبنانكم الى المعمورة ٠٠
ويسجل لكم كل هذة الإنجازات والنكايات ٠٠٠
وبسببكم فات العالم كله ببعضه ٠٠أو فوّتم !!.
أزمة خلاف ثم أزمة إتفاق إيراني سعودي ٠٠ وحرب روسية أوكرانية ٠٠ ولن نتكلم عن باقي أطماع العالم بلبنان وحصاره ٠٠ بدءاً من إحتلال العراق وتدمير سوريا و حرب اليمن وتقسيمه القادم ٠٠ وتقسيم أوروبا واحتلال وتقسيم فلسطين ٠٠ و حتى يمكن زلزلال تركيا لم يكن إلا بهدف إضعاف وحصار لبنان والنيل من إنجازات وبطولات زعمائه !!.
ولكن ٠٠ فشروا يِخْلفوكم مع بعض وخاصة مع اللي خلّفتوهم وخلّفوكم من الزعما ؟!!!!!….
حتى إفلاس البنك الأمريكي وما قد يلحقه من بنوك سويسرية وأوروبية ربما هو بهدف تجفيف فساد دولاراتكم ٠٠٠
هلقد نحنا مهمين ومستهدفين !!..
ويمكن وكما بشّرنا المسؤولون ربنا نزّل جهنم على أرض لبنان كمان بتوصية خصوصية ٠٠٠
يا عمي شو عاملين بحياتنا تا هالقد نحنا محظوظين بهالقيادات وبهاللعنة البلدية الأبدية اللي راكبي هالبلد ؟!!.
وآخر صرعة إنو حتى الخماسي العالمي اللي سخّرناه – ونسخر منه – ليجتمع ويشتغل لنا ويشيل الزير من البير ويفصّل لنا رئيس ووزير ٠٠ يا ريّس ٠٠ إنقسم على بعضه ومترس وتمحور بين السعودية وفرنسا وأمريكا ومصر وصار ثنائي وثلاثى ورباعي ٠٠ متل عنا !!..
تا تعرفوا يا لبنانيي قديش إنتوا مهمين !!..
بس يا عمي لازم نعمل شي حتى نصالحهم ٠٠
لازم نستدعيهم الى طاولتنا المستديرة لتدوير الزوايا ٠٠ فمذاهبنا ضاقت ذرعا بمذاهبهم !!..
ويسجل لنا أننا أبدعنا في المؤامرة على أنفسنا والعالم وفرضنا عليهم شروطنا ٠٠ وتخبطهم ٠٠ وانقسامهم !!..
لدرجة أصبحوا يستحقون الشفقة !!..
بس ما بيصير هيك ٠٠ لازم نصالحهم مع بعض ٠٠ على الأقل تيضل حدا متفق مع حدا بهالعالم حتى ولو علينا !!!!…….
شفتوا إنتوا يا لبنانيي شو ظالمين ؟!!..
وكمان بالداخل سوّدتوا وجه الزعماء ٠٠٠
لدرجة اضطروا أن يختلفوا مع بعضهم على مضض ٠٠ وكمان اضطروا يسايروا شنط السفارات كرمالكم ٠٠٠
ودفشتوهم إلى كل هذا الفشل والفساد !!..
إذا عنجد مش قادرين توفوهم – طبعاً حقهم فالأعمار بيد الله – وتعبهم بهذا البلاء ٠٠٠
بس رجاء ٠٠ أوقفوا النق واكتفوا بالدعاء !!..
على الأقل بما تبقى فيكم من روح ودماء !!..
وشحار !!!!!!!!!!!!!!!!!……………

23 -3- 2023 مجلة كواليس ٠٠٠٠
بقلم المهندس عدنان خليفة ٠٠٠٠