دقات الغرام

عبدالرحمن شاهين المضحكي
مملكه البحرين

حس دقات الغرام اللي وسط قلبي تزيد
كل ما شفت الذي رمشه ملا قلبي بهواه
ساكن فيني يغذي كل شريان ووريد
الحنايا مسكن له والحشا شربه وغذاه
هو لروحي واقرب الها مثلما حبل الوريد
والغرام اللي سكن فيني بدا زايد غلاه
٠كوكب دري يطوي الليل في بر وبيد
يجلب الانظار لي منه مشا يضوي سناه
درة الغواص لي فيها تحلى كل جيد
اسهما مع زينها يكبر ويتزايد حلاه
لي راتها الشمس قالت ذي تشابهني اكيد
والقمر قد قال منها كوكبي ياخذ سناه
ذوبيني عشق خليني اهيم او استزيد
واكتبيني حرف ياخذ منك ابدع محتواه
وارسميني لوحة يخضع لها حتى الحديد
ويعجز الفنان بالالوان يا صل مبتغاه
منك تغار النجوم وكل عذرا وكل غيد
والعبير اللي بعطرك يجذب الكل بشذاه