باب الوطن سكران

الشاعرة اميمة ابراهيم – سورية عضو اتحاد الكتاب العرب

الغيمة حكاية
والقمر ناطورها
مفتاحها بعب السّما مخبّى
وقبل مايطلّ الصّباح
بغافل الناطور
وبمد ايدي تَ اسرق المفتاح
وافتح بوابا
………
باب الحكي
مشرّع للضّو كلماتو
باب الغناني
بيحنّ عَ عودو
وميج يابو الميج ويابو الميجانا
هل بلاد الحلوة… .هيدي بلادنا.
باب العشق
مفتّحة زهورو
ومن حمرتا شهق ملتاع.
باب الغربة
صافن وحزنان
ولادو بالفلا هجّوا
و بالسّما طارو وطيّروا.
باب الوطن سكران
سكران
بمحبّة ولادو .
…… ..
يابواب لا تسكري
ضلّي مشرّعة للحب
واسكبي بقلوبنا
حكاياتك