الصديق يبان في وقت الشدايد

الشاعر البحريني عبدالرحمن المضحكي

الصديق يبان في وقت الشدايد
لي تبدت لك متاهات الزماني
ويغدي بالمال ثم يالروح جايد
لي عرف انك بازماتك تعاني
ذاك سلم للعرب وايضا عوايد
تعرفه قرم خبير بالمعاني
قفت ازمان بها الاحسان زايد
والمراجل سايده فيها عياني
ذا زمن كل على ماقيل كايد
يحمل الاضغان وبه القلب شاني
في الرخا ياصل ولا يخشى البعايد
ولي نخيته في العسر تلقى الهواني
دايم ياتيك دام الدهر جايد
لي جفا دهرك رفع عنك الحناني
مدرسه دنياك خذ منها فوايد
الخبث فيها وايضا بها جماني
واختر اصحاب تبين بالشدايد
واهجر اصحاب الرخا طول الزماني

•