مشاعر حقيقية

بقلم الكاتبه إيمان نجار
‏

بتعرف شو يعني يحبك شخص تعبان؟
‏تعبان من الحب ،،من قلبه ،،من أفكاره وعقله،،
‏تعبان من حاله ،،من أهله ،،،بيته،،وجيرانه،،
‏شخص عم يلم يلي بقي منه بهيئة أنسان،،،
‏كل الكون ضده ،،عم يقاتل بالدني وحده،،،
‏زعلان حتى من حظه،،،عم يوقع ويقوم ويسند نفسه ،،
‏بخيط جروحاته بإيده ،،بيتوجع هو ومكتومة أهاته،
‏شخص تعبان حتى من الليل لأنه عدوه،،،
‏والنوم هربان منه،،
‏تخايل شخص فيه هالتعب كله ،،،
‏بس بحبك أنت
‏بحول الوجع  بعيونك لفرحه،،
‏بيصنع لك ابتسامة من الدمعة،،،
‏بيشرب المر عنك ليسقيك العسل،،،
‏بيجمع لك الأمان لأنك بعيونه أجمل إنسان،،
‏رغم انكساره وألالامه بخلي راسك عكتفه،،
‏بيسندك وأيده بإيدك ،،مابيتركك ،،
‏بتعرف شو يعني يحبك شخص فيه كل هالتعب ،،،
‏يحبك من بعد ماكان مسكر باب قلبه،،
‏ويختارك من بين البشر رفيق دربه،،،
‏يضوي لك أصابيعه العشرة وهو عايش بعتمه،،،
‏يعني من ظلامه بنوّر طريقك وقلبك ،،،
‏يضحي كرمالك ،،بيمسح دموعك اذا بكيت بروحه مش بمنديلك،،،
‏كتب أسمك على ضلوعه،،لأنك خلقان من ضلعه،،،
‏رسم صورتك بعيونه لأن ماشايف غيرك،،،،
‏هيدا الشخص مستحيل يقدم لك شي مزيف لاكلام ولامشاعر،،،
‏كل شي بيعطيك ياه مغلف بالصدق والحقيقه،،
‏لهيك قدّر عطاؤه وتعبه ومجهوده وماتجرب تكسر قلبه لأن مش ناقصه كسور ،،،
‏قدّر حبه وتمسك فيه لأنك مارح تشوف إلا كل شي حلو منه .لأنك العوض بالنسبه إله