الحبّ مش مظهر وشكليّات

الشاعر عادل خدّاج

للحبْ عيد وانت يا حبّي
بالحبّ بيدر إنت مش حبّة
شو قيمة القلب البلا دقّات
وشو قيمة الروح البلا محبّة
مَ الربّ أعطانا النعم خيرات
والحبّ من أجمل نِعم ربّي
الحبّ نكران الأنا والذات
ونفوسنا عَ التضحية نربّي
الحبّ مش م وشكليّات
وبورود حمرا هالدني نعبّي
الحبْ صدق وعاطفة ولهفات
وعا بعضنا أسرار ما نخبّي
الحبّ مش تا نسولف حكايات
ونعمل من الحبّة وهم قِبّة

الحبّ خمْر عيون خمّريات
بتعرف نِدا إحساسنا تلبّي
حبّي إلك أصفا من المرايات
لا تبرمي عَالحبْ وحدو الحبّ
بيخبّرِك مين لازم تحبّي
………… . …….