(وجع الأحلام)

بقلم إيمان نجار

‏بتعرف شو،،،
‏أنا فيي تعب العالم ،،،
‏جواتي وجع مابيعرف فيه إلا رب العالمين،،،
‏حتى الأحلام يلي بحب أحلم فيها ماعم لاقيها،،،
‏لأن النوم صار صعب صعب كتير أحصل عليه براحه ،،،
‏حياتي منها نيوتيلا ولاعسل بشهده ،،،،
‏فقدت أشخاص غالين عندي ،،،فلوا وغابوا عني،،،
‏أنا شفت ناس بحبن عم يموتوا قدام عيوني،،،،
‏وماقدرت أعمل شي بس تمنيت عطيهن روحي،،،،
‏بكيت ،بكيت قد ماالغيم بنزل شتي،،،،
‏بس حتى البكي ماعطاني نتيجة،،،،
‏أنا حبيت ونخذلت ،،، ضحيت وقدمت،،،،
‏ظلمت وٱنظلمت،،،،ويمكن غدرت وٱنغدرت،،،،
‏بس سامحت لأن بيوم لحساب مابحب ألتقي مع خصيمي،،،،
‏انا يلي قالو لها لاتخافي نحنا بضهرك سند ،،،وقت وقعت سندت حالي بحالي،،،،وماتجرأت أطلع ورايي،،،،
‏ركضت بالدني والدني ركضت فيي،،،،وأيام عمري مرقت بسرعه ،،،خطفها الوقت مني خطيفي ،،،،
‏ماخلقت وبتمي ملعقه ذهب،،،،وماعرفت شو هيي الرفاهيه والحياه الهنيه،،،،
‏بس بعمري ماطلعت على حياة غيري كيف هيي،،،دايماً شكرت ربي وكنت بعيشتي مكتفيه،،،،
‏بعرف شو يعني كسر الخاطر ،،،،وبعرف كيف أجبر الخواطر ،،،،بفهم كتير شو يعني الطعن بالضهر ،،،،
‏وشو بيعني الخذلان والزعل والقهر ،،،،
‏أنا المحسودة على ضحكتها ،،،،،مابيعرفوا قديه دفعت حتى طلعها ،،،،هني بشوفوا فيي الإنسانه السعيدة ،،،
‏يلي بتمزح وبتضحك ،،،،متل الفراشه الناعمه الخفيفه،،،،
‏بس حياتنا مش مظاهر ولا الشي يلي بتشوفه الناس بس ظاهر،،،،،جواتي بركان عم يحرقني ،،،،طوفان نيران وتعب أطنان ،،،،
‏بس مش مهم ،،،اليأس ماخليته يكون صديقي ،،،والأمل دايماً كان حليفي ،،،،رغم كل شي مرقت فيه ،،،بقيت ثقتي بربي قويه ،،،،،
‏بتعرف شو ،،،،،
‏انا يلي بدي قلك ياه ،،،،،كل واحد فينا عم يعاني ،،،،مافينا واحد حياته بتشبه حياة التاني،،،،بس فينا يلي بقاتل بالدني وبحارب وبخبي جواته ,،،،،وفينا يلي بيحسد غيره عضحكاته،،،،،وفينا يلي فاضح قدام الكل حياته،،