تحيّة للقُرى الجنوبيّة الحدوديّة الصّامدة والمقاومة للاحتلال:

حسن عليّ شرارة

بأحـلى تـحـيّـة ببارك بهنّي*لمقاومتنا بزخمها الميمونْ
من الصّامدين بأرضن بفنّي*بقـدّملكـم عطر الشّعر طربونْ
وشو ما بيطلب هالـوطن مـنّي*ع ارواحنا وع دمنا بيمونْ
ساكن ببالي بأجمل تمنّي*مـفـتـون بـحـبّو أنا مفتونْ
بيارون صوت رصاصنا يغـنّي*وشو استبسلوا أبطالنا بيارونْ
بـحـكـي الـجارة بـتـفهم الـكِـنّي*قـلـعـة جـبلنا الشّامخة مارونْ
تـمـنّي يـا بنـت جـبـيـلنا تمنّي*كـرمال عـيـنـيْـكِ مـرج عـيونْ
وعــيـن ابـل إلـها بـقـلبنا رنّة*وكـونـيـن والطّيري وبيتياحونْ
وعَـلْـمـا، رمـيـش تـرابهم حِنّي*ومـيس الجبل عيثا وعيثرونْ
ويـا عــيــن عــيــنـاثـا لا تـعـنّي*في لـك علـينا بالمحبّة ديونْ
كفرا بليدا ياطر وشيحين*شبعا الغجر تبنيننا وفرونْ
رشاف حدّاثا رامية وزبقين*يارين الناقورة ومجدل زونْ
بيت ليف الظهيرة ومروحين*شقرا وبرعشيتنا وأرنونْ
الجميجمة عديسة صفد حَانين*خربة سلم حولا ودير قانونْ
محيبيب دبل ومركبا وتولين*مجدل سلم وكفر كلا ويرعونْ
حاريص طلّوسة وصربّين*شاحين طيرحرفا وتلة الهليون
هالـمـنـطـقة شـقـفة من الجـنّـة*وشـعـبا بحبّ ترابها مجنونْ
بـيـركـب براس رجالها الجِنّي*لـمّـا بيـقرّب صوبها صهيونْ
وأبطالنا اللّي استشهدوا هنّي*ضحّوا تا يبقى نصرنا مضمونْ
درزي ومسيحي جعفري وسنّي*حسين وزياد وخالد ومارونْ
أرواحـهـن بــذلـوا بـلا مِـنّي* وخـطّـوا بـدمّـن للـوطن قانونْ
وحَلَفِ العدوّ الحرب ما يتنّي*من شـاف منهـن بالقـتال فنونْ
واجـب عـلـيـنا عـنّـك وعـنّي*نحـفظ جهادن ب مُقل العيونْ