الذاهب الآتي الذاهب الآتي

بقلم
محمود زعيتر .. العراق

انا والليل والفكره وراس ن مــا لـقـالـه شور
وجرح ن يـكـره ضمـاده تـعـيـت فـيـه كلماتي

وشوق ن بالصدر جامح صغيره بالمحاني يفور
وقـلـم مـكـسـور واوراقـي تـودرها كتاباتي

تكشف سر عبراتي ولا باقي لها مستور
ولقيت القاص والداني تعلل في حكاياتي

نزل دمعي من عيوني على خدي تقل تنور
بكيت وما دريت انها تجيب العيد دمعاتي

انا كل يوم بغيابك ابات وخاطري مكسور
ولا لي سن من بعدك تنومس فيه ضحكاتي

انا في يوم ما اشوفك احس اني بدون شعور
غريب وسج في دربه ولا يدرون وجهاتي

الا يا صاحبي الدنيا بدونك مالها دستور
بدونك هالعمر فوضى تلاشت فيه غاياتي

الا يا اغلا من روحي غيابك عن حبيبك جور
وانا صابر على جورك تعجل في مجازاتي

يكيف يطاوعك قلبك تخاصمني ثلاث شهور
رحت من دون ما تسال ولا تدري معاناتي

انا دونك مثل شمعه بها الحالين نار ونور
اذوب واشتعل ساكت ولا يدرون مأساتي

انا خسران في هجرك وماني بالهوى مغرور
وانا بمحارب الهجران جبان ومنكسر ذاتي

اعاتب والعتب فايت اوانه والحكي مقصور
دخيلك تدمح وتغفر وانا مرهون زلاتي

دخيل الليل لا سير على مثلي وانا ماسور
وقاف الشوك تاسرني ولا له في مواساتي

ابات بشدة اوجاعي وغيري بالهوى مسرور
تنام الناس في راحه وانا متعوب نجماتي

وياما بالسهر عديت نجمات ن غدت وبدور
وامني عيني بطيفك ولا مليت هقواتي

تعال وشوفني بعدك اهوجس والفكر مسحور
واعيش العمر في ضيقه بدونك يا بعد ذاتي

تعال الشعر من بعدك تضمة ضيقة المنشور
واجيب الحزن تغريده عليك وتبكي ابياتي

تعال ولا تخليني على شوفك اظل محسور
تعال بطيف لو لحظه فديت الذاهب الآتي