💔حبّ الماضي💔

✍بقلم الشاعرة سينتيا سماحة

ليه إنتَ،بعد السنين؟!
ليه إنتَ ؟
جوارح القلب والحنين بعدّتا عنك؟
ليه انتَ؟
وغرامك مغمور بالقسوي
وعيونك ملّبدي بدمعي
شفافك،شفافك ملياني قهري
ليه إنتَ؟
تارك ماضي ملياني أماني
ومرا حبّتك بصمتي
تركتْ الضّحكي
لَتعبِّي بيتك بصوتها كلّو حناني
ليه إنتَ؟
عايش  بشخصية تعباني
وصورة قدّام الكل مزيفي
وقلبك صارخ إسما
إسما الكلّ بدو حروفا …
قلبها؛ما بدو غيرك
لانها مرا عشقتك وما عشقت غيرك
عشقت إسمك وكل تفاصيلك
رغم القسوي وما اهتمت إلا بحروفك
حطّت حالا  محلّو
شافت الحيط مسدود  قبالو
قررت التحدي بركي بتكسرو
بس الهدّ معك ما إلو  حدودي…
جرح كبير تركتو  بقلبها
وإنت مش سألان
بس رح تجي  مرا غيرا
تحرّك الوجداني
لضيّعتو بلحظة  عنفواني.
حاولت ترجّع ماضي حُبَّك الخجلاني
بس خوفها يكون دقّ الخطر
ع حياتها وحياتك يا إنسان
أمّنت ع قلبها وإسمك فيه
رغم الوجع لهديتو ياها
قِبلِتو منك لانها حبّتك
واعتبر الوجع راح وصار  تحت ترابك
وانحفر مع إسمك لآخر الازماني..!