ختيار وختارة والحب الصافي

من أجمل ما قرأت …❤❤
◽الختيار مرض وأخدوه ع الشام ليتعالج
، ضلت الختيارة بالبيت وراح الختيار تعبت بدها تروح وتطمن على ختيارها بنفسها ..
طلعت عا الشام..
، فاتت شافتو ممدد عالسرير وغفيان..
. باست راسو و راحت تقلو :

الدار بعدك ظلمة والبيت مافي روح ..
باطل ياتالي العمر تخلي السبع مطروح ..

◽لما سمع صوتها صحصح اخذ إيدها وقال :

يامرحبا بالغلا وكل الهلا بهالصوت ..
دكتور ماضل وجع ويامرحبا بالموت ..

◽ ضحكت و باست راسو وقالت :

البيت بعدك سجن من يوم شالوك ..
معصور قلبي عصر وفوقو ترى البلوك ..

اختنق الختيار واخذتو العبرة و قال :

معدل ياولف الجهل وأبن الأصل صافي ..
ويصون عشرّة عمر وطول العمر وافي ..

◽ضحكت وقالت :

أنت اللي سلبت العقل من يوم كنا فتيان ..
وبعروق دم القلب شريان من شريان ..

هون الختيار اتجلس واتصحصح عالاخر ..
وبلش يصيح للدكتور صوتو عبى المشفى:
مليت ضرب الإبر وحب الخمس مية
من شفت الغالية بنت الاصل ماضل عقل بيه

◽دكتور كف الأبر وفكلي دوا السيروم ..
قلبي شاف الولف ما اقدر أبات اليوم