في ناس ..

بقلم: حوراء عودة

متل الناس بتنسى اقوالها وافعالها
وانت بعين التيه
ما مصدق الكلمات وشو لِسمعوك..
وفي ناس تبسموا بسمات خبث
وعسّلوا الكلمات
حتى قلت
يا حمد ربي بهالدني باقي الخير
وهني بقفاك عم يحفروا
يطموك..
وفي ناس حرمت نفسك وبدّيتهم
عالحال
ومنهم وفا ما لقيت ،
ولما احتجت ،حقك،
بيتبخروا بينسوك
وفي ناس ايّ ناس ،
عند السّد للحق بيوقفوا
يا شهود زور متحفّة،
يا ببدعة حيادُن عغفلك بيهتكوك،
متل يلّي شجّع المkاwمة
وماشي مع اsسراiل بينكروك…
وفي ناس بس ما تنذكر اسماءهم ،
متل الهشيم بتتقد جوا الصّدر
ولو صار لهم بغلّهم رح يحرقوك.
هودي الناس بذاتهم رح يرجعوا
بعد الأذى ،أندال،حاجة، يقصدوك
ويرجعوا متل الأفاعي النّاعسة
يمسحوا لك الجوخ الحلو
و”يألهوك”
ويحاولوا يبنوا معك جسور (الودّ)
او يوهموك
انه لباعك والثقة ممكن يعود رفيق
لك ونسيوا بأنه الودّ بقاموسك دفن
ولو سهمدوا رقابهم
وعملوا خدم أمّك وأبوك.
بس ابتسم يا رزقتي
انه القدر هو الحكم 👌
وحكمه عدل ومساندينه بيشهدوا
رح ينصفك رب السما
ورح ينصفوك .
HMA
#بس_هيك

 

شاهد أيضاً

وحدة التدخلات الطارئة تدشن مساهمتها لمشاريع المبادرات المجتمعية بمحافظة إب اليمنية من مادتي الاسمنت والديزل ..

تقرير /حميد الطاهري دشنت اليوم وحدة التدخلات المركزية التنموية الطارئة بوزارة المالية بالتنسيق مع السلطة …