الفلفل المحشى المكسيكي الحراق

إعداد: زهراء🌹

الطريقة و المكونات 👇👇👇😋😋😋

رز محشى بالطريقة المصرى بس هنطبخه فى حله برة لوحدة و ناخد منه فى الطاسة و نعملة ميكس مع المكونات دى 👇👇👇

فلفل رومى
صدور فراخ متبلة مشوية و متقطعه مكعبات
فاصوليا حمرة متصفية
ذرة صفراء معلبات
فلفل احمر ناشف شطة مجروشة
صويا صوص تلات معالق كبار
بابريكا معلقة كبيرة
مشروم فريش شرايح صغيرة
فلفل اخضر حراق شرايح حسب الرغبة
جبنه موتزاريلا
جبنه برميزان
ربع كوباية لبن
معلقتين كريمة

طاسة كبيرة فيها زيت يسخن و نحط فيها قطع فراخ متقطعه صغير جدا مع قرنين شطة ناشفة مطحون و ذرة صفرة و فاصوليا حمرة و بابريكا و فلفل اخضر حراق متقطع شرايح و مشروم فريش و صويا صوص ونقلب كله مع الرز بتاعنا كويس
الفلفل متنضف من جوة و فاضى حلة كبيرة فيها مية و نقطة زيت ننزل فيها بالفلفل بلانشية يادوبك يلمس المية خمس ثوانى و يطلع و بالملعقة نحشية الرز بالخلطة المكسيكي

صينية و نرص فيها الفلفل بتاعنا و نغطيها بالموتزاريلا مع بشرة برمزان خفيف متقبلين فى معلقة لبن و كريمة وندخلة الفرن يستوى و ياخد وش 10 دقايق 🫑🫑🫑🔥🔥😋🌶🌶🌶🌶