وينو عليّ؟

🙏🌹🌺🌼💐🌸🌷💐🎋
وينو علي ربّ الحكي وداحي البواب
قبّة كأنّا نصّ شمس معلّقة
وبتصير تلمع متل سيفين التقوا
واحد سؤال الموت والتّاني جواب
قبّة كأنّا ضوّ ماشي بالزّمن
وبتنقرا متل الكأنّا كتاب!

وينو علي؟؟؟
ضاقت عليه تياب عملوها البشر
مش عاجبو رايح تا يلبس
واسعة تياب الغيابْ..

وينو علي يكشف عتم هاللّيل
ويقول للشّمس ارجعي
وللرّمح ضبّط وقفتك
وللخيل أوعا تفزعي..

وينو عليّ اللّي حامل الميزان
اللّي ناصب الميزان
حاطط بكفّة نهار
وبكفّة الزّمان
وبيرفعوا لفوق حتّى يزينهنْ
بيطلع معو إنّو القمر فتّان
وإنّو الحياة الصّافية حلوي
والآخرة حلوي كمان
وينو علي يقعد عا قوس المحكمة
ويشوف إنّو مايل الميزان
ويمدّ إيدو يعدّلوا :
آن الأوان..

وينو عليّ؟
شو موحش وفاضي المكان..!

يومُ الولايةِ
عليٌّ إمامُ المتّقين💝