معقول

ابن الجبل —-شوكت حاطوم

معقول تتسكر شبابيك الامل
عا شعب كان بالماضي بطل
معقول ما بقا بالخوابي زيت
وما منقدر نشتري كيلو بصل
معقول ما في طحين بكل بيت
معقول دمّنا بهالسرعه مصل
معقول المطالب تكثر وياريت
بيعود الفرح وليالي الزجل
معقول لو جنب الملحمه مريت
غمض عيوني وامشي عاعجل
معقول لعيالي اذا حبيت
جبلن هديي بيغمرني الخجل
كانت حياتي عز وهنا تربيت
عا حب الناس وما عندي زغل
من القهر قلبي وقف حسيت
ضاع الحلم مني وضاع الامل