نغنّيهن نمثّلهن نصوّر بعضنا نعمل أحاديث صحفيّة لبعضنا… اشتقتلك ليال …💔🫂

هكذا تحدثت ريما عن اختها ليال

ليال ما كانت بس أختي كانت كمان والأهم صديقتي الوحيدة.. ورفيقتي اللي ربيت معها وكبرت معها.. ليال أهضم إنسان مرق بحياتي على الإطلاق! وعندا القدرة منفردة تضحّكني، وتضحّك اللي بيعرفوها عن قرب، بأكتر المواقف ألم وحزن وبأوقات بيكون الواحد حاسس إنو أبعد شي ممكن عن الضحك! ومعظم الأوقات بيدون ما تبتسم حتى! بتقدر تموّت الواحد من الضحك هيي وعم تخبّرو مأساة أو هيي وعايشة مأساة!

بس من بعد هالعمر إكتشفت انو ليال ما بس هيّي بتضحّكني!

مُجرد معرفتي بوجودها بنفس المكان اللي انا فيه

ولو مش شايفتها حتّى! كفيل بإنّو يخلّيني إنفجر من الضحك!

لعبنا نحنا وزغار كانت كلا تتمحور حول أعمال أهلنا!

نغنّيهن نمثّلهن نصوّر بعضنا نعمل أحاديث صحفيّة لبعضنا…

اشتقتلك ليال …💔🫂

ريما عاصي الرحباني ابنة السيدة فيروز تتحدث عن أختها التي رحلت في عمر الزهور ، ليال

الصورة المرفقة: هي صورة نادرة للسيدة فيروز مع ليال بطفولتها