مجلة كواليس www.kawalees.net مجلة كواليس www.kawalees.net
مارسيل مراد
نحن من بلاد ما بتعرف تشتري بالوقية،
بتتباهى بغرف المونة،
متل ما بتتباهى بالمكتبات والاثاث…
نحن من بلاد ما بتعرف تسأل الضيف جوعان حتى طعميك؟
نحن منحط السفرة ومنقول للضيف شرّف الاكل جاهز …
كل اهل بلدنا هوايتهم العزايم ومد السفر والكرم….
نحن من بلاد وين ما قطعت ومشيت بتسمع فيها عبارات (حول اشرب قهوة)
(ميل يا عمي)
(حماتك بتحبك القهوة جاهزة) ..
من بلاد الكرم فيها شهامة، ونخوة وعلامة سيادة….
من بلاد صبحيتها اقل شي شرب 3 ركوات قهوة…
الشجر المثمر بديارنا بياكل منو كل الحي…اذا بتعمل زيارة لأصحاب البساتين
ما بتطلع من عندهم الا وبترجع محمّل بالخضرة و الفواكه..
من بلاد بتتزوج فيها البنت، بس مونتها من اهلها بتوصلها كل سنة…
نحن من بلاد منقول فيها (الايد الفاضية مجوية) وافتح بيتك وافتخر او سكروا وانستر…
نحن من بلاد بتفكر بأكل العصفور، منتركلوا ثمار بالشجر ..
ما منعرف نجوع ولا نمد ايدنا ..
كيف يا مجرمي العصر يا بلا ضمير، بدكن تجوعوا شعب كريم وشبعان وعزيز النفس؟
كيف عم تذلوا الناس العزيزة؟
قبّح الله وجوهكم في كل لحظة ، صرنا عم نتقاتل على غالون زيت وكيس حليب … الله لا يسامحكم لا دنيا و لا آخرة!!!
نحن من بلاد ما بتعرف تشتري بالوقية،
بتتباهى بغرف المونة،
متل ما بتتباهى بالمكتبات والاثاث…
نحن من بلاد ما بتعرف تسأل الضيف جوعان حتى طعميك؟
نحن منحط السفرة ومنقول للضيف شرّف الاكل جاهز …
كل اهل بلدنا هوايتهم العزايم ومد السفر والكرم….
نحن من بلاد وين ما قطعت ومشيت بتسمع فيها عبارات (حول اشرب قهوة)
(ميل يا عمي)
(حماتك بتحبك القهوة جاهزة) ..
من بلاد الكرم فيها شهامة، ونخوة وعلامة سيادة….
من بلاد صبحيتها اقل شي شرب 3 ركوات قهوة…
الشجر المثمر بديارنا بياكل منو كل الحي…اذا بتعمل زيارة لأصحاب البساتين
ما بتطلع من عندهم الا وبترجع محمّل بالخضرة و الفواكه..
من بلاد بتتزوج فيها البنت، بس مونتها من اهلها بتوصلها كل سنة…
نحن من بلاد منقول فيها (الايد الفاضية مجوية) وافتح بيتك وافتخر او سكروا وانستر…
نحن من بلاد بتفكر بأكل العصفور، منتركلوا ثمار بالشجر ..
ما منعرف نجوع ولا نمد ايدنا ..
كيف يا مجرمي العصر يا بلا ضمير، بدكن تجوعوا شعب كريم وشبعان وعزيز النفس؟
كيف عم تذلوا الناس العزيزة؟
قبّح الله وجوهكم في كل لحظة ، صرنا عم نتقاتل على غالون زيت وكيس حليب … الله لا يسامحكم لا دنيا و لا آخرة!!!
