❤️هَيْكْ عْيونْ❤️

وَيْنْ لِعْيونْ المِتْلْ عْيونِكْ بتِسْتْحِقّ ؟
يا بَسْمي على شْفافْ الحَلا بِتْحِنّ وِتْرِقّ
وِنْ تاهِتْ وْما عِرْفِتْ مْنَيْنْ الطّريقْ
عا باب بيتِكْ بِتْحَوْرِبْ وْبِتْدِّقّ

يا عْيونْ مْكَحّلي بْلَيْلْ لِمْلَيِّل
يللي للقمر بِتْقول مَيِّلْ
يا قلبي انْتِبِهْ ،
بَعْدَكْ عالغَرامْ عَيِّلْ
خايِفْ عْلَيْكْ من الصّدْماتْ ما تْطِّقّ

هَيْكْ عيون لازِمْلَكْ رِضاهُنْ
شَمِّرْ عالصَّلا وْأُعْبُدْ سَماهُنْ
ما فيك تْعيش يا مْتَيَّمْ بَلاهُنْ
بَعْرِفْ خَصْلْتَكْ عالبُعْدْ بِتْنِقّ