مجلة كواليس www.kawalees.net مجلة كواليس www.kawalees.net
✍️بقلم الشاعر ابو علي جابر
بدأت تتوضح مسار المعركة الإنتخابية وبدت على نار حامية لائحتين يتصدران الموقف الأولى تتحصن وتتقدم بالمال والثانية تلهو في ما بينها
لمن يبيع صوته وكرامته نقول
يا بايع صوتك عاللس
مش عم تأذي حالك بس
ركبوا عليك تعشوا لحم
وانت بتاكل عشب وخس
حضرات المرشحين
لكم نقول
اللي بدو يعمل سلطان
ويشعر بي ألام الناس
تفضل قدملك برهان
وعطينا من الحق قياس
ضيعتنا حقا منصان
ما بتسوقا بالمساس
ومجمع فيها شبان
سلاحون صوتون بالمتراس
ما بدنا مرشح جوعان
جايي يعبي المال كياس
بدنا ال عضيعة غيران
يخدمها بحب وأحساس
وللذين تعنتوا في عنادهم نقول
الشأن العام بدو دراية
ما بدو اهمال بدو عناية
وكل من جرب يهز النفوس
تأكد قبالك منهز العصاية
اختاروا الرجل المناسب في المكان المناسب ولتكن أعضاء البلدية متجانسة من كل العائلات وأدخلوا العنصر النسائي من السيدات المربيات القديرات على أدارة الشؤون التي نحتاجها ورحمة قلوبهم تحافظ على المال العام والحضارة والعمل على تجميل ما أهملته البلديات السابقة
اول الغيث (يتبع)
✍️بقلم الشاعر ابو علي جابر
