كيكة البرتقال والهيل بصوص الجبن..♥️🍊”

​

#المكونات_والطريقة

تخلط ٥ بيضات وملعقة وسط ڤانيليا
وملعقة بشر برتقال
وملعقة صغيره خل
تخلط مدة  دقيقة لما ينتفش البيض نضيف لها كوب وربع سكر ( أنا اكتفيت بكوب ) ونخلط مده دقيقة لما يتجانس مع بعض ونضيف نص كوب عصير  برتقال ونص كوب زيت وربع كوب حليب سايل ونخلط
ننخل كوبين ونص دقيق وملعقة پاكينغ پاودر وملعقة هيل مطحون  نحرك بمضرب الكيك ونضيفهم على دفعات فوق الخليط لما يتجانس ونصبه بصينيه كيك مدهونه زيت ونرشها بالدقيق وندخلها فرن ساخن حرارة ١٨٠ مدة ٣٥ دقيقة نطلعها تبرد وبعدين نقلبها ونزينها بالصوص ( ٦ جبن كيري وربع علبه نستله ) ونزينها بجوز البيكان وبشر البرتقال

“وبألف هنا..♥️🍊”