​​”أصابع التوفي..🧡🍰”

#المكونات و الطريقة
راح نحتاج(ثلاث بيضات،فانيلا ،ربع كوب سكر،ربع كوب زيت،علبة قشطة،ربع كوب مويه)نخلطهم بالخلاط ونضيفهم على (كوبين حليب محموس مع ملعقة صغيرة بيكنج بودر)نخلطهم تمام وبصينية مدهونة نحط نصف المقدار وندخلها فرن مسبق التسخين ع حرارة ١٨٠من تحت لغاية ماتستوي راح تاخذ من عشر دقايق لربع ساعة
في هذي الأثناء راح نجهز الطبقة الثانية عبارة عن (نص كوب حليب بودرة،علبة قشطة،بيالة سكر ، أربع حبات جبن كريمي)نخلطهم بالخلاط وبعد مانطلع الكيكة من الفرن نضيف عليها الخليط وندخلها الفرن من فوق بس على حرارة هادية برضو ماراح تطول خمس الى سبع دقايق وبعد ماتتماسك نطلعها ونضيف عليها المقدار الباقي من خليط الكيك بعد مانخففه بربع كوب حليب (حطيته بكيس حلواني ووزعت فيه أسهل)دخلته الفرن من فوق على نار هادية عشر دقايق يتماسك وطلعته تركته يبرد ودخلته الثلاجة يبرد تمام أنا سويته بالليل وثاني يوم قطعته وقدمته
بامكانكم تخلونه بالثلاجة ساعتين وتقدمونه وصحتين وعوافي

● ملاحظة ترى المقدار يكفي لصينية مستطيلة صغيرة لو حابين تكبرون الصينية ضاعفوا المقدار، راح يكون الخليط ثقيل شوي لاتخافون كملوا الخطوات عادي،كنت حابة أحط الصورة الثانية هي الواجهه بس قلت أوريكم لون التحميرة الحلو

“و بألف هنا🧡🍰”