باليوم العالمي للغمرة

باتريسيا سماحة 

بدي قول اغمروا يلي بتحبون بنص الشارع
بقلب الصف، بالشغل وما تقولو عيب وبعدين ومش، وقتا هلق ….
هلق وقتا لان بعد شوي يمكن ما في وقت
الوقت شغلة وايام الله بيبعتلنا اشارات لنستفيد من كل لحظة وما نضيع الوقت ع قصص ما بتستاهل .. ..الشغل اكيد الو وقتو بس ع قدو ويلي بقلك انا work alcoholic قلو ما بدا هلقد …ما في شي حرزان لا الجوايز ولا التزقيف ولا المصاري اذا ما كنت مع يلي بتحبن… والمعارك يلي منعملها كل يوم لنحافظ على مراكزنا ولننجح اكتر ويلي بستنفد طاقتنا ع الفاضي شو الا معنى عن جد …. الناس راكضة ورا الوهم وعم بتفركش بعضها
واذا كل حدا منا بيعمل جردة لكل شي عاشو بيطلعو المحسوبين من عمرو هني لحظات والباقي تضييع وقت

ما تضيع وقتك ع وهم