مجلة كواليس www.kawalees.net مجلة كواليس www.kawalees.net
✍️ موقع مجلة كواليس اعداد زهراء 🌹
✨اه منك
يا زمن فيك الادب بقى عيب..
✨اه منك يا زمن… فيك الصراحة تغيب..
✨اه منك يا زمن… فيك المنافق فارس..
والطفل فيك بتخلي شعره يشيب..
✨اه منك يا زمن… فيك البراءة تروح..
واللي يعيش ع الفطرة م الناس يعيش مجروح..
✨اه منك يا زمن… فيك الخداع مسموح..
والحب ملغي والحق مش مشروع …
✨اه منك يا زمن… ليه تيجي ع الغلبان..
واللي يكون حساس دايما يعيش تعبان..
واللي يموت م الجوع واللي يموت بردان..
واللي يقف للريح يكبر قبل الاوان..
واللي يقول الحق مع الناس يعيش متهان..
واللي يقع مرة الكل فيه شمتان..
واللي يقول ال اه بتزيد ف جرحه كمان..
✨راحت فين الضحكة راحت فين الالوان..
✨اه منك يا زمن… بتاحبي للاسي..
الندل فاكره والامين ليه ناسي ..
✨اه منك يا زمن… خلتني
افقد مشاعري واتوه انا في احساسي
✨اه منك يا زمن…بتشجع الخاين..
فيك الخداع و الصدق مش باين..
تدي الرخيص دايما وبتيجي ع الغالي
✨امتى في يوم تتعدل .. يبقى المدين داين ⁉️
✨اه منك يا زمن… خلتني ليه ضعيف..
مش قادر اكتم صراخ ضعفي المخيف…
✨اه منك يازمن… بتساعد النصاب..
وتيجي دايما ع الطيب و ع الشريف..
✨ارجع واقولك يا زمن الحق مش عليك..
ده علينا احنا يا زمن وبنغلط احنا فيك..
مش ذنبك انك يا زمن الناس اتغيرت حواليك✨✨
