مندي دجاج رووعه 😍

موقع كواليس اعداد زهراء 🌹

– تنغسل الدجاجة زين وتنترك بخل ابيض وليمون وملح فد ساعة.

– بهارات الدجاجة:زيت+بهارات مندي+زنجبيل مطحون+فلفل اسود +صبغة اللوزينة.

– تنخلط البهارات وبفرچة نلوث الدجاجة وبعد منكمل تتبيلة الدجاجة نخلي نقطتين من صبغة غذائية لون احمر وبالفرچة كذلك تنفرك الدجاجة.

– تنترك الدجاج فد ساعة لحد متتشبع بيها التتبيلة.

**نجي هسة ع التمن:

– بهارات التمن الصحاح: نومي بصرة+هيل حب+عود دارسين+قرنفل+ورق غار+فلفل حار اخضر وحدة فقط+بهارات مندي واكيد مننسى الملح.

– نحمس بصل مقطع وسط +طماطة مقطعة وسط بزيت ونضيف البهارات الصحاح عليها وبعدين نخلي التمن ونحمسه سوة وياها وبعدين نضيف بهارات المندي والملح.نخلي مي بارد فوق التمن بأصبع .

لهنا تمام ان شاء الله
هسة نجي لطريقة الطبخ:-

-بما أنه ماكو حفرة نسوي حفرة بالفرن😂 نجيب جدر التمن ونسلفنة بالسيلفون(الالمنيوم) طبقتين ونزرفه براس السجينة وراها نجيب الدجاجة نخليها فوك السيلفون ونرجع نغطي الدجاجة والجدر بطبقة سيلفون ونخليها بالفرن لمدة ساعة اذا فوك وجوة مشتغل الفرن سوة واذا بس جوة ساعة وراها نص ساعة فوك
بعدين نفتح السيلفون ونخليها ٥ دقايق تتحمر من فوك وبعدين ندخن التمن والدجاج سوة نسوي طاسة بالسيلفون ونخلي بي زيت ونخلي فحماية ونسد الجدر ونبقي ٥ دقايق رح يدخن ويصير توب.