الحكمة… سر الحياة

د. مريم حسين شريف

النهايات متل الموت تماماً ، وفيها مراحل ، ووقت محدد وكل شي له بداية له نهاية … كلها دروس وحكم ، والرصاصة ل ما تقتل تعلم ، والحكمة موجودة بالفترة … ناس بتدخل حياتنا لمرحلة لهدف لغاية ومنها الايجابي ل يدعمك والسلبي ل دور غيرك يستفيد منك ، معادلة حياة ، فيها تبادل طاقات وفيها الناقص والزايد ، وكل شي بحياتنا له دور ، كل شخص بحياتنا نلتقيه نعرفه موجود ثابت او مؤقت ، له وظيفته لفترة معينة وتتراوح المدة من الثانية ل نهاية العمر ، ناس دورهم ب فيلم حياتك ثانية وناس ساعة وناس لمحة وناس فرصة وناس ساعات وناس ايام وناس اسابيع وشهور وسنين ، زبدة الحديث هو التقدير ، تقدير الوقت والحياة والاشخاص ليدخلوا ويخرجوا ، التقدير هون ماهو بمعناه التعبيري هو مجازي اكتر ، هو تحليل وتصنيف صح ، لازم نميز بين ل دخل حياتنا وله مواقف له فضل ، عطاك من طاقته ، قدم شي كبير او قليل ، ماهو احيانا الموقف وان كان بسيط فتش حولك رح تكتشف انه شي كبير غير موازين كبيرة ، حتى احيانا نكون ممتنين لادق تفصيل بحياتنا ، شخص بياخذ شخص بيعطي ، هو لو ما في مين اخذ منك ما رح يقدر يعطي ، ولو ما خسرت ما كنت بتشعر بالربح لما يجي وقته ، مختصر الحياة ما في حدا منعرفه بحياتنا دخل من فراغ ، كل شي له دافعه القوي والبسيط والمهم والنادر ، المهم ما نضيع طاقتنا بفراغ ، خلينا دايماً نكون ممتنين ل يطلع من حياتنا قبل ل بعده موجود ، لازم نميز انه ل راح لو اخد منا وان خسرنا شي بالنهاية بس بدايته كان فيها خير ويمكن العكس ، كل شي له فضل ، وبركة ، ومعنى ، حتى الحزن ل ينزرع فينا بسبب ناس وجعتنا اذتنا ، فتش منيح بالقصة ل عرفتهم فيها رح تلاقي انو اذا ما فادوك معنويًا في شي مادي واذا لا تاكد انهم درس تعلمته يقويك على قصة ومرحلة رح تعيشها بعد نهايتهم معك ورح تكون تعلمت منها ، الحياة دروس ومراحل ومطبات وطلعات ونزلات ، وذلات وبركات وارتقاء وانتقاء وانزلاق ، كله مفيد وكله حلو وبيقوينا ويفيدنا ، اجعلوا كل نهاية في حياتكم عبرة ونبعد عن رد الوجع بالوجع ، سر الحياة الحكمة البصيرة التحليل الصح والصبر والتقدير ….