إتفقوا عليه جميعًا، كلهم، ..

ناريمان الجمل غنيم

إخوتنا العرب، وجيراننا، واعداءنا وحلفاءنا وزعمائنا ونوابنا وحكامنا ومشايخنا والبطاركة والشعب والجهل والفقر كلهم، كلهم اتفقوا وحطوا أياديهم في أيدي بعض.. اتفقوا على إنهيار #لبنان..
كلهم ضمن مشروع إنهيار #لبنان..

كل البلدان، وكلّ المرافىء وكل المطارات والمطاعم والعقارات والاشغال والمؤسسات والسياحة كلها رح تنشط على رُفاة #لبنان كلهم ناطرين الدفن.. دفن وطن عمره من عمر الأرض، دفن أرض من أجمل خلق الله، دفن جَمَال ما بتحلموا فيه قد ما معكن من مال للتجميل والاختراعات والإنجازات، جمال #لبنان طبيعي، ربّاني، من ربِّ السماوات..

حرقتوه دمّرتوه عن سابق ترصّد وتصميم؛كرمال التسويات والصفقات اخدتو بلدنا أجمل البلدان، استحكمتوا واستفحلتوا وبدّعتوا خراب فيه.. مجرمين سفلة وقتلة ودعواتنا عليكم صبح ومسا وما بينهما..

#كلكن_يعني_كلكن مسؤولين..

عرب وغرب وشرق عينكم بهالارض.. اشتغلتوا ونسّقتوا وخططتوا دمار البلد.. بس عين الله عليكم ورح ينتقم منكم أشدّ انتقام.. لوين رح تروحوا منه وكيف رح تنجوا ببدنكم.. مين انتوا حد #فرعون..

سبيتوا واستبحتوا وفظعتوا بهالبلد.. الله يفظّع فيكن وينتقم منكم يا:
#فراعنة_العصر
من #الفرات_الى_النيل
يا #أبالسة_العصر
#من_الخليج_الى_المحيط

من الله ما في مفرّ.. فترقبّوا عظمة قدرته وجبروته.. فقط إدعوا معي 🤲🤲
لأنه كريم رحيم حليم يُجيب دعوة الداع اذا دعاه بقلبٍ صادق..
يا ربّ يا خير منتقم.. إشفِ لهيب أحزاننا وقهرنا وظلمنا وغضبنا وآلامنا.. وأرِنا فيهم عجائب قدرتك يا الله!!