هللويا

‏

يا آخذ القرد عمالو، راح المال وضل القرد عحالو.
البعض عم يراسلني عالخاص. شو، الظاهر طلع معك حق، ويظهر سلامة ما معو ١٥مليار، كذبة كبيرة”احتياط الزامي”. ليش ال١٢٠ مليار دولار و٦٠ دولار بالليرة ودائع ،واللي زادوا طباعة اضعاف ذلك، ، كانوا ملك ابوه. جف لساننا وريقنا ونصرخ لكم من سنة١٩٩٨ انو هيك الوتيرة، والقيادات تقمعنا، والتلفزيونات تسكر علينا. والبعض يتمسخر ويبتسم استهزاء. ما الناس كانت سكرانة متلهم.
ما كان يوم معو شو من اللي كان يكتب بخط ايدو للرؤساء.
دايما عايش بوهم ان الودائع بضلها تزيد، وهو واللي حامينو يالله بيصرفوا اموال قارون. عرفتوا ليش سمينا ال ponzi, الى Lebonzi..
انتظروا لتعرفوا وضع الضمان الاجتماعي والصناديق. موجة من موجات المركزي. انتظروا لما تعرفوا فعلا كم انصرف؟ انشالله مصدقين بس الودائع؟ اللي انصرف اضعاف الودائع. واللي كان يتغنى بنسبة الدين على الناتج، اليوم مع احتساب شو المطلوب من المركزي كمان، صار فوق ال٢٠٠٠٪. تخطينا فنزويلا وزيمبابوي، وقريبا منحلق خارج معادلات الارض، ونخترق الجاذبية.
بس ممنوع حدا يطير حدا من مركزه. واللي ما عجبه يشرب البحر..
الحلو انو صادفت اللي حاميه المرجع الديني الماروني والسني والشيعي والدرزي. وممنوع انتقادهم. شي مجد لبنان، وشي يا غيرة الدين… وحاميه الزعماء السياسيين الشيعي والماروني والسني والدرزي واللي ما بيعرفوا الله كمان.
وحدة دينية الحادية..
بس حمايته الفعلية هي من شعب بعدو ناطر، ما بدو يزعل البنك. قال بعدو عم يعطيه شوية دولار وكم ليرة.
هذه هي الحماية الفعلية…
تصبحوا على اهل الكهف…
حسن أحمد خليل ،تجمع استعادة الدولة ١٢ اب، ٢٠٢١