مبارزة على الهواء بالشتائم ومَنُ متعلم اكثر ..

ريف سليمان

هذا ما شاهدناه على احدى محطات التلفزة ضمن برنامج معين

بين ضيفين كل واحد اعطى العنان الى لسانه السليط بالشتائم او انت شو دارس ومتعلم ووين..!
🤦‍♀️آخ ما هذا؟!…
اذا المعلمين و برا لبنان وصلوا لهل مستوى ! من عدم التواصل و الكلام البزيء و قلة الاحترام و تصغير العقل و عل هوا و بهل عمر اللي مفروض فيه حكمة و رقي و صورة تعكس الثقافة الفكرية و جمال العلم للجيل اللي عم يحضر🙈🤦‍♀️🤣
هيدا دليل انه العلم مش معيار لدرجة الفهم …
الإنسان بيتميز عن الحيوان بلغة التواصل اللي فعلا نادرا ما عم نحصّلا هل ايام!
للأسف كتار بيربطوا الشهادة العلمية بالمرتبة الفكرية و هيدي المعادلة مش بالضرورة دائماً فعلية و هيدا مثل…يعني مش كل واحد معه شهادة هوي انسان ذو شأن فكري وفاهم ومدرك ومتيقظ لمجريات الأمور المحيطة به مش عم قلل من قيمة المتعلمين و لكن العلم شي و الثقافة شي تاني و الممارسة عل ارض شي تالت و الفهم شي رابع و انك تكون انسان و منصت و ذو أخلاق و منطقي شي خامس…
عتبي
على الفئة المتعلمة اللي ما بتفكر قبل ما تطلق سهام كلامها الجارح على الآخرين، وما بتزين تصرفاتها بمكيال منصف حكيم معتقدة أنه اللي عم تعمله لا يقبل الشك أو الطعن فيه، والجميع بعدها من الصاغرين.
فعليا نحنا منتعلم بالمدرسة أو الجامعة الدروس من بعدا منواجه الامتحانات أما بالحياة منواجه الامتحانات ثم منتعلم منها الدروس.
بقول الامام علي عليه السلام :لسان العاقل وراء قلبه وقلب الأحمق وراء لسانه….والفهم آية العلم..
خسئتم!