حُرَّة..!!

بقلم الأستاذة حوراء محمد عودة

قالت يا حلوة هيئتك حرة
قِلتلها معلوم ومصرّة
خْلقنا بِدنْيي كلنا أحرار
ليش ما بصير انْ كنت انا حرة؟!
حرة وروحي متل نسر جبال
ما بينحني وينذلّ بالمرّة
بيعيش حرّ وان حان وقت الموت
بيقعد لحاله بالقمم برّا
ما في حدود لْنقلته ولا خْطوط
خُضر وْصُفر ،سودا ولا حمرا
طبعه الوفا وشو هم شو ما نقال
وْشو همّ احكامن ولو مُرّة
همّه الحياة بعزّ لا مش مال
وْلا قصور وهم ، ولا الف دُرّة
حرّة عبير ، وشو حلو ينقال
حرّة أبية وروحها حرّة