دخيل الله

ابن الجبل / شوكت حاطوم

دخيل الله شو بني وشوصار
حاسس كأنو القلب مني طار
محجور بالبيت صرلي مدّه/ي
ما شفت حدا وحتى ولا جار
ما قدرت اكتب شعر تاودي
وصرت بحالتي ملبك ومحتار
غير الستر ما بطلب ولا بدي
وبركع بصلّي تا ينتهي المشوار
قنينة الاحباط محكمه بسدّي
ولوين رح نوصل بأخرة النهار
صرت للاحباب الاشواق ودي
حتى الواتس صار مني يغار
بصرخ عا مرايتي وبقلها ردي
وين راحو الاحباب والزوار
من غير قصد الدمع عاخدي
بتكرج كرج مثل كتلة نار
والعرق عاجبيني مسرسب مندي
صوتي انبح وتبللو الاوتار
اضراب عا تختي فراش ومخده
قالو حلّ عنا وروح سهار
لحد هون بيكفّي وبيقدي
شو ما في غيرنا بالدار
قوم شوف الارض مسودي
غيوم مخيمي داير ما دار
الكون كلو واقع بِشدّه
الكورونا عنها خبروا اخبار
وعدت حالي وبوفي بوعدي
عابيتنا ما بدي ياها تفوت
لأن بمحكمة ربنا عملت اخبار