رئيس عامل شعبه فئران تجارب

بقلم علي خيرالله شريف
باللهجة العامية اللبنانية

⭕️جوزاف عون عن إتفاق واشنطن:
اعطونا فرصة لنجرب اتفاق الإطار، إذا مشي بيكون مشي،” وإذا ما مشي خلي يسقط لحالو.. يسقطو الإسرائيلي مش نحنا”.

يا لطيييف على هالعبقرية عند رئيس الجمهورية..
إذا مشي بيكون مشي وإذا ما مشي خلي يصقطو الإصرا_ئيلي مش نحنا..

بس ما عرفنا كيف الإصرا_ئيلي بدو يصقط اتفاق كان كل عمرو يحلم فيه وهلأ تحقق!!

أول مرة بتاريخ البشرية منسمع رئيس عم يسلم وطنو وشعبو للعدو حتى يجرب شو رح يعمل فيهم..

شو إنت عم تجرِّب بنطلون؟
أو عم تركب قسطل مرجعيون؟
أو فاتح مختبر وعامل شعبك فئران تجارب؟

عا فكرة، نحنا عارفين انك عارف كل شي عن العدو
وعارفين انك لأنك عارف كل شي، عملت معو اتفاق تا يهدر دمنا ويريحك منا
وعارفين إنكم متفقين انت وكم شلعوط من بيروت.. ومعكم القاضي الدولي، تعطوا العدو حرية قتلنا
وتعهدتولوا ما تشتكوا عليه بالمحاكم الدولية..

بعني هالنص قاضي طلع أرحم من المحاكم الصهيو_نية مع نتن_ياهو..
المحاكم بالكيان عم تلاحقوا ونواف سلام عم يحميه من الملاحقة.

بدي أعرف يا بو خليل، إنت شو دينك ومين ربك؟
ومين حطك رئيس علينا
تا تعملنا فيران وتجرب فينا؟

وحياتك
إذا نوابنا بيخلوك بالقصر
بيكونوا أو ما طالع من أمرن شي، أو متآمرين معك،
وإذا شعبنا بيسكت عا تخبيصك
بيكون طبق المثل: كما تكونوا يولَّى عليكم،
وإذا النخب والمثقفين والوطنيين والحقوقيين بيضلوا ساكتين،
بيكونوا متواطئين أو متنبلين” ومش حاسِّين.

لازم تفهم يا سيد جوزاف
إنت وصاحبك نواف
إنو يلي عم يبزقوا عالمسيحيين بفلسطين،
رح يبزقوا عليكم كمان..
ولازم تفهموا إنو مؤخرة ترامب اللي باسها محمد بن سلمان..
بعدو الأبرص عارضها للتبويس خلال زيارتك إلها..

بنصحك لا بقا تجرب تصلح شي، لأن الناس ما بترحم. وبنصك تفل عا بيتك وتركز
عا قراءة التاريخ بشكل صحيح حتى تفهم إصرائيل منيح.
وتتذكر شو عملت بأنطوان لحد، وتتعلم من هلق كيف بيعملوا الحمص بطحينة..
نحنا شعب عنا إرادة
والإرادة أقوى من كل ترسانات سلاحهم يلي مخوفتك..
وعهد الذل يا سيد جوزاف، عمرو قصير.

الأحد ١٢ تموز ٢٠٢٦