الأب بطرس العاقوري … راهبُ كربلاء في عاشوراء

تداول عبر مواقع التواصل الاجتماعي موقف لرئيس دير مار بطرس وبولس في بلدة القطين في جزين الاب بطرس العاقوري وهو كالتالي:

الأب بطرس العاقوري… راهبُ كربلاء في عاشوراء، والناسُ مشّاية على طريق بعلبك ما وقف يتفرّج على الموكب من بعيد. نزل لعند الناس، مدّ إيده، ما سأل هيدا سُنّي وهيدا شيـ.عي، ما سأل عن دين ولا عن مذهب. شاف بالمعزّي بالحسين إنسان تعبان، وجريح بقلبه، وماشي على درب كربلاء.
ما قرا الحسين بالكتب بس، عرفه بدمعة الزوّار. عرف إن كربلاء مش حكراً على طايفة، كربلاء وجع كل مظلوم. وإن الحسين ما مات لجماعة، الحسين استشhد كرمال كل إنسان حر.
بموقفه هيدا، صار الجرس يدقّ مع صوت الناعي. وصار الدير محطة حب، بقلب طريق الآلام. علّمنا إن الدين معاملة، وإن الرهبنة الحقيقية هي إنك تكون سند للناس وقت الوجع.
يا أبونا بطرس،
كبرت بعين الله قبل ما تكبر بعين الناس وقفتك بعاشوراء بتسوى ألف خطبة عن الوحدة. لأنك ما حكيت عن المحبة… عشتها.
الله يطوّل بعمرك، ويكثّر من أمثالك. لبنان بيفتخر فيك، وكل مشّاي دعيلك بشربة مي من إيدك، رح تبقى بميزان حسناتك ليوم الدين. موقف الأب بطرس شرف لكل انسان، ولكل لبناني .