مطبخ حكايات زمان

🔸حطى البطاطس في درج التلاجة لان في الصيف مش الموسم بتاعها فبتبوظ بسرعة وبتزرع حطيها في درج التلاجة هتقعد مدة أطول.

🔸بعد تقوير البتنجان أدعكى أيدك بنصف ليمونة أى سواد فى ايدك هيطلع بسهولة.

🔸عند تنظيف السمك لبسى طبق كيس ونضفى فيه السمك ولما تخلصى أرميه فى القمامة علشان الحوض مش يتسد من قشور السمك.

🔸بعد تقشير الثوم أفركى ايدك بمعلقة استانلس للتخلص من رائحة الثوم.

🔸لبسى باسكت القمامة كيس وضعى فى قاع الكيس كرتونة البيض أو كراسة قديمة علشان تمتص السوائل اللى هتنزل من القمامة ويفضل الباسكت نضيف.

🔸عند حفظ الخضرة حطيها فى برطمان أو علبة وضعى معلقة معدن علشان تمتص الرطوبة وتفضل مدة أطول.

🔸عند حفظ الخضروات والفاكهة فى درج الثلاجة ضعى أسبونجة علشان تمتص الرطوبة وتحافظ على الخضروات والفاكهة مدة أطول من غير ما تبوظ.

🔸قبل تقطيع البصل حطيه فى الفريزر نصف ساعة علشان يتجمد شويه وميدمعش عينك.

🔸لتسهيل تقطيع صدور الفراخ الى شرائح لعمل البانيه دخليها فى الفريزر نص ساعة.

🔸ضعى على وش برطمان الصلصة معلقة زيت علشان تمنع من تكون الطبقة البيضا والعفن وتفضل صالحة لمدة أطول.

🔸عند تفريز الخضار أسحبى الهواء جيدا من الكيس علشان الخضار مش يسود فى الفريزر.