تارت البرتقال

عجينة التارت
250 غ فرينة
125 غ زبدة باردة
80 غ سكر ناعم
1 بيضة
رشة ملح
قشور برتقال
نخلط الفرينة مع السكر والملح، نضيف الزبدة ونفركها بأطراف الأصابع حتى تولي كي الرمل.
نضيف البيضة وقشور البرتقال ونجمع العجينة بلا ما نعجن بزاف.
نغلفها ونخليها ترتاح في الثلاجة 30 دقيقة.
نفرشها في قالب التارت، نثقبها بالفورشيطة.
نطيبها في فرن مسخن 170 درجة مدة 20 إلى 25 دقيقة حتى تطيب وتتحمر خفيف. نخليها تبرد مليح.
كريمة البرتقال
400 مل عصير برتقال طبيعي ومصفّى
70غ سكر
50 غ نشا
50 غ زبدة
ملعقة كبيرة فانيليا
نحط عصير البرتقال البارد في كاسرونة، نضيف السكر والنشا ونخلط مليح باش ما يتكتلش. ونحطها فوق نار متوسطة.
نحرك بلا توقف حتى تعقد الكريمة وتولي ثقيلة ومشدودة.
نطفي النار ونضيف الزبدة والفانيليا ونخلط حتى تذوب الزبدة وتولي الكريمة لامعة وناعمة.
نخليها تدفأ شوية.
نفرغ كريمة البرتقال فوق عجينة التارت لي لازم تكون باردة بعدما طيبوها
نسوي السطح مليح.
نزين بشرائح برتقال رقيقة.
ندهّن الوجه بشوية ناباج ندخلوها للثلاجة ساعتين على الأقل قبل التقديم.