إعداد: زهراء🌷

أولا الفراخ المشوية

الطريقة
هتبيلى الفرخة بملح وفلفل وبهارات فراخ وزعتر وزبادى وبصلة مبشورة وطمطماية مبشورة وعصير لمونة ومعلقتين خل وتسبيها ليلة فى التلاجة وتانى يوم سخنر الفرن جدا وحطيها على الشبكة بتاع الفرن وتحتها صنية فيها ماية سخنة لمدة ساعة او ساعة ونص حسب حجم الفرخة الأفضل تبات ليله في التتبيله ممكن علي الشواية الكهربا او اللي علي عين البوتجاز ولماتستوي حطى فحمه معاها تاخد ريحه الشوى

ثانيا الفراخ الصينية:

هتقطعى الفرخة بعد ما تغسليها كويس جدا وتقطعى طماطم ووبصل كتير وكم فص توم قرنين فلفل وبهارات وملخ وفلفل اسود ومكعب مرق وزيت افركيهم مع بعد ورصى الفراخ وهاتى حبايتبن طماطم مع فصين توم وملح وفلفل اضربيهم فالخلاط وانزلى بيهم فوق الفراخ وحطيها على عين البتوجاز وهى متغطية لمدة نص ساعة وبعدين دخليها الفرن منغير غطا لمدة نص ساعة كمان هتحمر وتبقى جميلة وممكن تحطي اي خضار تحبي معاها

ثالثا الفراخ المحشية :

هتجيبى فرخة حجهما صغير تغسليها كويس وبعدين هاتى بصل مبشورة دبليها على النار مع كبد وقوانص وفلفل اسود شوحيهم وانزلى فوقهم بكوب رز مصرى مغسول شوحيهم وحطى العقد كوباياين ماية وغطى علية لما يستوى نص سوي وبعدين تحطى الفرخة لازم الرز يستوى وبعظ ما تحشيها حطيها فى صنية تحتها بصل وكرفس وبطسطاية وكوب ماية وغطى عليها ودخليها الفرن متغطية لمدة ساعة وشيلى الغطا هتحمر وتستوى وتبقى جميلة احسن ما تسلقيها وتبقى كلها طرية

رابعا الفراخ بالبصل:

هتجيبى فرخة تقطعيها قطع صغيرة وبعدين نشوحها في الزيت تاخد لون وبعدين نطلعها فى طبق وننزل فوق الزيت بتلات بصلات شرايح مع قرنين فلفل اخضر وبهارات ندبلهم وبعدين نحط ملعقتين دقيق وكوب ماية وننزل الفراخ كمان ونغطيها وكل عشر دقايق نبص عليه لمدة نص ساعة وبعدين ما تستوى تحطيها فى بيركس خليها الفرن تحت الشواية تاخد لون وبالف هنا