كتب #زياد نصاً طويلاً بديعاً عن الفقر، جاء فيه:

“قالوا لنا وقالوا لغيرنا، ووصّلوا لنا، بإنو “خلصونا ولوه من سيرة الفقر والتعتير. لا في فقر ولا في تعتير بهالبلد.” إنما الحكي مش متل الشوفة. والشوفة مش متل العِصي. واللي عم بيعدّ العصي مش متل يللي آكلها. في ناس بتملّ إذا في كلّ يوم قصة فقير. إنو لازم يا خيي فقير واحد يكون. ويمكن هالعالم حقّهم يملّوا، قد ما صار في ناطقين باسمهم، باسم الفقراء، بالفن والإذاعات (…) ما الفقر، شو بتخسر اذا بتحكي عنه، طالما مش رح يوصلك؟ طالما حاسس بكنباية (كنبة) عريضة تحتك، بتساع خمسة قدّك، انتَ وعم تحكي عنه… الفقر بيطلّع حكي لذيذ. مش معقول. بس تعال شوف الفقر قديش مش حلو(…)
بس ما تخافوا. بطمّنكم. طالما في فقر، بدّو يضل يدق عليكن. وهو شخصي، مش التقليد. مش لمّة بالكنيسة ولا جمعية عاملة حفلة للمحتاجين، ولا بدار الأيتام بأحسن حفلة تبرّع رح تحلّ مشكلته.

بدّو يضلّ الفقر يدقّ عمخوخكن ويطنّ وترنّ، لأنو فاضية متل أحسن نوع بطيخ.

طيب ضروري إذا صبيّة مثل القمر، ساكنة بحيّ السلّم لأنّ هونيك خلقت، ما تقدر تستفيد من مستحضرات “لودر”؟ إنو هيي يعني وجّها غير وجّ؟ (…) ضروري هيي تحطّ عوجها كل شي تقليد أو تهريب أو “ستوك”؟ ضروري هيي تجرّب بوجهها؟ مش حرام؟ ما وجّها حلو. وحدُه حلو. لو بتقتنع هيي ما تحطّ شي. يا ريت.”
❤️
❤️
❤️