كيكة الحليب الهشّة 😍🎂

ريحة وطعم زمان اللي بنعشقهم كلنا ❤️❤️
كيكة ناعمة، خفيفة، وطعمها بيذوب في الفم 😋👌

المقادير:

٢ كوب ونص دقيق

كوب ونص سكر

كوب حليب

معلقتين كبار حليب بودرة

كوب إلا ربع زيت (أو نص كوب سمنة حسب المتاح)

٢ بيضة

معلقتين صغيره فانيليا

معلقتين صغيره مليانة بيكنج بودر

معلقة كبيرة نشا

رشة ملح
الطريقة:
في بولة نخلط الدقيق + البيكنج بودر + النشا + رشة الملح ونقلبهم كويس.
في الخلاط نحط البيض + السكر + الحليب + الحليب البودرة + الزيت + الفانيليا، ونضربهم ٢ لـ٣ دقايق لحد ما الخليط يبقى كريمي 👌
نضيف الخليط الجاف على السائل ونضربهم 10 ثواني بس، وبعدها نقلب تقليبة خفيفة بالمضرب اليدوي علشان نتأكد إن مفيش دقيق باين.

نصب الخليط في صينية مدهونة زبدة ومبطنة بالدقيق، وندخلها فرن سخن على درجة 180 لمدة حوالي 40 دقيقة ⏱️
لو وشها ماخدش لون، افتحي الشواية دقيقتين تاخد لون دهبي تحفة 😍

وخلصت كيكتنا 👏👏
طرية، هشّة، ريحتها بتفكرنا بأيام زمان الجميلة 🥰
ممكن تقسميها وتعمليها تورته كمان 🎂

جربوها وادعولي ❤️