احترامي للحرامي صاحب المجد العصامي

د طلال حمود- ملتقى حوار وعطاء بلا حدود – جمعية ودائعنا حقّنا

*قصيدة معروفة للشاعر عبد الرحمن بن مساعد اكملتها بعدّة اسطر مُعبّرة من وحي الواقع اللبناني المرير الذي نعيشه يومياً والذي اودى بنا الى قعر قعر في جهنم بفضل سياساتهم المالية والإقتصادية الفاسدة القائمة على الهدر والفساد والمُحاصصة والزبائية والتبعيّة المُطلقة العمياء والتي تقوم دوماً وابداً وفي كل الظروف ومهما كان حجم التورّط في الفساد : *بالروح بالدم نفديك يا زعيم حزبنا او منطقتنا او طائفتنا او مذهبنا او يا بيك او يا مير او يا شيخ او يا وليّ نعمتنا وموظّفنا في اعلى المناصب* :

إحترامي للحرامي
صاحب المجد العصامي
صبر مع حنكة وحيطة
وابتدا بسرقة بسيطة
وبعدها سرقة بسيطة
وبعدها تعدى محيطه
وصار في الصف الأمامي
احترامي للحرامي ..

صاحب النفس العفيفه
صاحب اليد النظيفه
جاب هالثروة المخيفة
من معاشه في الوظيفة
وصار في الصف الأمامي
احترامي للحرامي ..

يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي
احترامي للحرامي ..

يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي
احترامي للحرامي ..

صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي للحرامي ..

احترامي للولي وللزعيم
في قوانين ونصوص
احترامي للفساد
وأكل أموال العباد
والجشع والازدياد
والتحوّل في البلاد
من عمومي للخصوص
احترامي للصوص
احترامي للحرامي

احترامي لكل نايب، كل بيك
وكل وزير وكل شيخ وكل مقاول
كل مدير ومؤتمن
كل من سرق اموال شعبه
شو تآمر مع لصوص
شو خدع اهله وناسه
شو جمع منه الفلوس
شو عمل ت جاب يخته
يا مشا الله محلى بخته
احترامي للحرامي

حاكم المصرف حرام
وبالمصارف شو كمان
ياما ب شعبهم اذلّوا
ياما بوعودم اخلّوا
طيّروا الأخضر- اليابس
لا يوم وقفوا و لا ملّوا
صفقة رايحة صفقة جاية
والعمل يو… مُستمّر
والله زادن طول عمر
والدعم جاهم عمومي (رياض سلامة خاصة)
احترامي لكل لحرامي

من الوزارة يا ما جمّعوا
ما عدا مال النيابة
كم مقاول حولو جامع
شعبه ما يشفق عليه
دمّه مصّه و عينيه
ياما ابكى من فقير
ياما عذّب من مدير
ياما ابعد من نزيه
ياما بخشش كم مدير
احترامي لكل حرامي

بلا حيا ينده انا ضد فساد
وللنزاهة يخطب والرشاد
ضجّت من خطاباتو العباد
وهو بالآخر حرامي
احترامي للحرامي

في الوطن دمّر وهجّر
ومتل طاووس يتمخطر
يا ما كان يطلع ع “عنجر”
واستدار بسحر ساحر
صار بالصف الأمامي
احترامي لكل حرامي

كم سفارة زار خطّط
للنهب يرسم مُخطّط
وعند ما تسأل يقولوا
ما تقرّب خط احمر
البطرك، المفتي استنفر
كم جمع من ناس حولوا
هذا نزيه…. وشريف
الحق عندو لا تعاقب لا تحاكم
طول عمرو كن نزيه
احترامي للحرامي

كهربا وميّا وشوارع
كان مُقاول جدّ بارع
عندو ناس بكل وزارة
ومافياتو بكل حارة
عندو ناس بكل إدارة
شوفوا شو مؤسّع دياره
العترة عالشعب المعتّر
يفتدوه وهو عنتر
وهوّ عارف شو حرامي
واحترامي للحرامي

بمجلس وهيئة اغاثة
جنوب واعمار ومهجّر
كل تلزيمة بخّوة
وكل صفقاتو تراضي
ومن خطاباتو الأخوة
والنزاهة وحب وطن
إحترامي للحرامي

عندو ضابط عندو قاضي
عندو ناس بكل محضر
عندو عين بكل مخفر
وانتا يا شعبي المغفّل
بعدك تنادي بإسمه
وانت تعرف شو حرامي
احترامي للحرامي…