الام

الناشطة زهراء

بتتصل فيك الإمّ..
شو يا إمي
إنتِ بخير
شو عامل
بتحاول تضحكك
هيه الوحيدة اللي بتفضحك من الصوت.
احيانا بتعرف ع اي وتر موجوع.
بتطبطب عليك بالدعا وبالسر بتلملمك.
وبتعطيك دفى وأمان كإنك بعدك ما طلعت من رحمها وبعدك جنين صغير…
وإذا لقتك مرتاح بتبدى.
يمّي عم تحكي مع أخواتك
أيمتى آخر مرة حكيتوا
بتقلى مش من بعيد
اي الله يرضى عليكم يمي
ما تتركوا إيدين بعض.
شفت خيك مر بضيقة
وقاف حدوا..
اختك ضل زورها بتكبر فيكم
وقت المناسبات ببيت عمها جمعوا حالكم وروحوا بتحافظولها ع مكانتها.
تقبرني يمي كرمالك قبل خيك اذا إيدك فايضة بالرزق أعطي خيك،بيكفي العالم ما تذم فيك اذا كان ضعيف وما سندو.
الله يثبتك يمي ع طاعتو وما تضيم ولا تنضام..وما يحطّ بدربك ولاد الحرام وصحاب السوء.
أف يا أمي شو حلوي توصياتك اللي بتلم وبتوصلني للجنة