حقي_إورث

حطوا خيي بالمدرسة وانا الكبيرة كانوا يبعتوني عالشغل بالبطاطا من ٧ لل١٠ سنين… كنت موت من القهر… كانوا اهلي يقبضوا عني. مرة اجا الشاويش ليقبضهم وكنت انا بالبيت عطاني ياهم وما خليت اهلي يعرفوا. ورحت على المدرسة الحكومية يلي حد بيتنا باول العام الدراسي، وطلبت من المدير يسجلني، قالي خلي ولي أمرك يجي… رحت عالبيت وطلبت من اهلي يسجلوني… ما كانوا يردوا لحتى اجا المدير حكيهم… ما بعرف كيف زبطوها، حطوني بالاول ابتدائي مع انني عمري ١٠ سنين… كنت حس حالي غلط بس كنت مصرة اتعلم… كنت استوعب بسرعة… مع اننه كنت اشتغل بالبيت خادمة للكل وربحوني جميلة انهم سمحولي اتعلم، قدرت آخد البريفيه بتفوق وفتت دار معلمين… وصرت معلمة… واكتر واحد من اخوتي وصل للتالت متوسط ووقف…

تزوجت وصرت حريصة انني ما ميز بين ولادي وعلمتهم بنات وصبيان متل بعض وكنت دللهم بالتفاصيل الصغيرة…

توفى بيي وكان مش ملحّق يهرب املاكه لاخوتي الصبيان، أجوا لعندي ليعملولي زيارة ويمهدوا لعملية التخجيل من شان امضيلهم عالاراضي، قلتلهم اهلا وسهلا فيكم البيت بيتكم وهون اختكم بس الاراضي الي فيهم متلي متلكم… خدمتكم عمر ولهون بيكفي. زعلوا وخاصموني… آخر همي… انا وعيلتي ومن بعدنا الطوفان.

#حقي_إورث

شاهد أيضاً

وفاة أكثر من 900 حاج خلال موسم الحج والبحث مستمر عن المفقودين

أكدت وكالة الأنباء الفرنسية، اليوم الأربعاء، ارتفاع الحصيلة الإجمالية للوفيات خلال موسم الحجّ هذا العام …