دجاج بالرز

💐 طريقة التحضير 🍒🍒
أولا نجيب قدر ندير ملعقة كبيرة زبدة و القليل من الزيت و نوضع الدجاج يتقلى جيدا مع الملح ثم نضيف حبة بصل متوسطة مقطعة رقيق و سنتين ثوم و نقليهم مليح بعد ما يتقلاو مليح نضيف زوج ملاعق كبار طماطم مصبرة و نضيف التوابل لي هوما راس الحانوت و توابل الدجاج و كركم و فلفل أحمر و فلفل أكحل ورقة رند و نقلي جيدا ثم نضيف زيتون أخضر مقطع دوائر و حبة جزر مقطعة مكعبات و نضيفلهم كأس ماء و نخليهم يتقلاو حوالي 5 دقائق و نمرق بالماء الساخن و نخليهم يطيبو من جهة اخرى نجيب مقلاة ندير ملعقة كبيرة زبدة و شوي زيت و نحمص الأرز بعد ما نغسلو جيدا و نزيدلو القليل من الكركم و توابل الدجاج و الملح و نحمصو مليح و نضيف عليه لاصوص تاعي كيلة أرز بزوج كيلات مرق و نخليهم يطيبو كي نشوف الأرز تاعي تقريبا طاب نوضعو في مول و ندخلو للفرن يزيد يكمل طيابو و في الأخير نشعل النار من فوق و نحمر الدجاج و بالصحة و العافية 🍒