البوتوكس ٠٠ بأشكالٍ وألوان !!.

بقلم المهندس عدنان خليفة ٠٠٠

كان يا ما كان ومن زمان ٠٠
وقبل حلول حوّا وكل الحلا مع النسوان ٠٠٠
كانت جنّة آدم شي جنَان ٠٠
متل كأنها حلم محصور بين أربع حيطان ٠٠٠
وعيشي ما فيها جنس مرا ٠٠
برغم كل هالأجناس بين ملاك وشيطان ٠٠٠
وكانت الفواكه متل بعضها ٠٠
ويمكن ما بيفرق طعم التفاح عن الرمّان ٠٠٠
والكل كان ٠٠ أكَلَ شَربَ نَامَ ٠٠
لحالو آدم المسكين كان يتأفأف وزهقان ٠٠٠
وتا ما ننسى ٠٠ إجت الأنثى ٠٠
وولعت الدنيي ولعلعت دلع وولع وألوان ٠٠٠
وصرنا بشر ٠٠ منحب السهر ٠٠
ونعصر وننعصر على الخصر والأحضان ٠٠٠
وقِبلنا الوجع ٠٠ وحق من جمع ٠٠
وحتى البلى البلا دوا داويناه بالنسيان ٠٠٠
إلا فخّ النفخ والزوزقة الملزّقة ٠٠
بدك ترحمينا يا تقبرينا وترحمي حالك كمان ٠٠٠
وأسى البوتوكس ما بينتسى ٠٠
فخلّيكي شوي طبيعيي وخففي نفخ ودهان ٠٠٠

بقلم المهندس عدنان خليفة ٠٠٠
لبنان ٠٠ 10 – 4 – 2024 ٠٠٠