مافيش احلى من الحلويات الزمنية😍❤️ مقروض بالتمر…

الطريقة

المقروض#
كيلو سمدينة اني درت الوردة البيضاء+1/2كيلو دقيق +1/2لتر زيت (ملاحظة نفس الي تكيلي بيه الدقيق كيلي بيه الزيت وكان حسيتيه يابس ويتفترش زيدي شوية زيت)تبتبتيه وتخليه يرتاح حتي لثاني يوم وبعدين لما بتخدميه زيديه م صBP
خودي بالشوية زيديهم (مية +عطر)وديري معصمك وحطي فيه التمر المعجون بزيت الزيتون والجلجلان ولفيه كويس وقصيه وانقشيه بالمنقشة الخاصة بالمقروض

العقدة او الشربات#
3اكواب سكر وكوب ونص ماء ً ﮼و نص ليمة قارصة ووريقات عطر ذوبيهم مع بعض واول مايغلو نقصي النار وخليهم لين يتغير لون الليمة او بالزبط خليهم عشرين دقيقة وبعدين زيدي شوية عسل حقاني ومية عطر وعسلي مقروضك وتفضلوا اي سؤال مش حنبخل عليكم باي معلومة نعرفها ومنبيش الا دعواتكم وتاكلوا بالهني وشكراً علي كلامك الطيب للأسف مش حنقدر نرد عليكم كلكم😍😘

للي يسألوا علاش التمر يجي يابس
التمر عصديه بزيت الزيتون علي النار شوية قبل متحطيه في المقروض ولما تطيبي المقروض متطيبيشي علي نار هادية هلبة لانه يطول في الكوشة ويجي التمر يابس
السمدينةراستعملت سمدينة الوردة البيضاء زي ماكتبت فوق فيه هلبة اخوات يسئلوا علي نوع السمدينة واني قبل نستعمل في ناعمة لكن المرة هادي استعملت المتوسطة لكن حسيته بالناعمة افضل

المقادير مرة ثانية وبنكتبهم كتابة للناس الي تلخبطوا

كيلو واحد سمدينة ونضيفوله نصف كيلو دقيق ونزيدوه نصف ليترا زيت (لو استخدمتي مالقي المعياري كيلي نفس مقدار الدقيق نفس الزيت ) ونضيفوله ملعقة صغيرة باكينغ باودر
الناس الي طلبوا المقادير بالكوب :
كوبين سمدينة +كوب دقيق+كوب زيت+نص ملعقة صغيرة باكينغ باودر
شكرا لصاحبة الوصفه 🌹🌹